DIE ELISABETH EYBERS-BEURS

Die Albert Wessels Trust stel jaarliks aan die Suid-Afrikaanse Akademie vir Wetenskap en Kuns 'n bedrag geld beskikbaar vir die toekenning van 'n beurs wat vernoem is na die Afrikaanse digter Elisabeth Eybers. Die doel van die beurs is om die taal- en kulturele bande tussen Suid-Afrika en Nederland te bevorder en te versterk.

Die beurs word toegeken aan Suid-Afrikaners wat in die Nederlande wil studeer of aan buitelanders wat in Suid-Afrika wil studeer. Suid-Afrikaners en Nederlanders/Vlaminge kom dus vir die beurs in aanmerking.

Aansoeke vir die beurs vir die jaar 2000 word tans ingewag. Die beurs is beskikbaar vir nagraadse studente, dosente en navorsers in die vakgebiede Afrikaans en Nederlands vir 'n studietydperk in die buiteland. In 2000 sal voorkeur gegee word aan 'n gevestigde akademikus.

Die waarde van die beurs vir 2000 is nog nie gefinaliseer nie, maar dit sal minstens R40 800 bedra .

Aansoekers moet 'n studieplan en curriculum vitae aan die keurkomitee voorlę. 'n Skriftelike verslag moet binne drie maande na afloop van die besoek aan die Suid-Afrikaanse Akademie en die Albert Wessels Trust voorgelę word. Die studie moet verkieslik voor die einde van 2001 afgehandel wees. Persone wat in die beurs belangstel, kan hulle aansoeke na die adres hierbo stuur.

Die sluitingsdatum vir aansoeke is 31 Maart 2000.

BERNHARD LOUW
HOOFSEKRETARIS

23 November 1999

Metrodenpark 301, Vermeulenstraat 572, Pretoria
Privaatsak X11, Arcadia, 0007
Tel: + 27 (0)12 328-5082, Faks: +27 (0)12 328-5091
E-pos: akademie@mweb.co.za