Hertzogpryswennerhuldigingsreeks

Pieter Fourie is die afgelope 50 jaar ononderbroke bedrywig as dramaturg, regisseur, akteur, vervaardiger, toneelbestuurder en ook onlangs as digter. Sy dikwels moedswillige stem het Afrikaners deurgaans tot groter selfondersoek gepor. Hy het meer as 60 dramas geregisseer en is medestigter van die Klein Karoo Nasionale Kunstefees. Fourie is meermale as teatermaker bekroon, die belangrikste hiervan in 2003 met die Suid-Afrikaanse Akademie vir Wetenskap en Kuns se Hertzogprys vir drama. In 2006 het hy ʼn Fleur du Cap-prys ontvang en in 2010 die Afrikaans Onbeperk-prys vir sy lewensbydrae tot die teater. In 2011 het die Universiteit van die Vrystaat ʼn eredoktorsgraad in drama aan hom toegeken, en in 2016 het kykNET hom met ʼn Fiësta vir sy lewensbydrae tot die Afrikaanse woordkuns vereer.

In hierdie bundel kyk vriende en kollegas vanuit verskillende invalshoeke na Fourie se werk as dramaturg en teateradministrateur, sowel as digter, terwyl hy in ʼn outobiografiese hoofstuk self oor sy lewe vertel.

Wikipedia